ما على الدنيا حسافة ولا جرح وعوار
مهما كافحنا نبي نعيش ، بنموت فالاخير
بس قبل الموت والحزن و أنواع الحصار
ودي اتخلّص من جروح تأنيب الضميير
ماجد شلونك ؟ وش اخبارك ؟ ربّك ابخار ؟
و أن سألت انا شلوني ! انا ماني بخير : )
من ثلاث شهور وأنا أتعرّض الأنصهار
أتكتّتتل جمر ، ليين أتبعثر زمهرير
علّم أبو محمّد سلالة طوال العمار
علم مايدري بعلمه عمر ولا عمير
قل له إني بين فقد الأمل ، و الإنتظااار
حالتي حاله ، متضايق ووضعي خطير
وقل له إني يوم جيته ، ترا مالي خيار
و ماقتل زُهير ، إلا ’ بنو خالة زُهير ‘
وقل له إني جيته متردّد وضايع قرار
( وصغّرتني حاجتي ، ولا انا ماني صغير )
وقل له أن بعده يعادل ” ثمانين إنكسار ”
وقل له أنه ’ غيير ’ والله ، والشيخان غير
وقل له أن الطيب اللي سواتي مايضار
وقل له أن الطيب لاهو يضار ولا يضير
وقل له أن الليل لابد تاليته نهار
والشهيق أكيد بيصير من عقبه زفير
وقل له إني ماابي الا ’ رضاه ’ ، و بإختصار
وقل له يركّز على قراية البيت الأخير
( الكبير تجي جروحه من احبابه كبااار
ليت ربّي ماخلقني بإحساسي كبييير )
